Пишува: Денис Арсовски
физиотерапевт, специјалист по рехабилитација во ортопедија, хирургија и травматологија
Поради нејзината распространетост кај општата и спортската популација, болката во грбот може да настане и како резултат на пливањето. Бидејќи пливачите се поставени хоризонтално во водата, гравитационите и пловните сили патуваат низ телото со потенцијал да предизвикаат промени на долниот дел на ‘рбетниот столб.
При лумбалната екстензија (истегнување на долниот дел од грбот) што се користи кај некои видови на пливање, постои потенцијал за развој на болка.
Покрај тоа, затегнувањето на флексорите на колкот или несоодветното движење на телото за време на пливањето може да доведат до компензација на лумбалниот ‘рбет. Болката во долниот дел на ‘рбетниот столб може во голема мера да ги попречи перформансите и мобилноста во водата. Иако болката во грбот при пливањето не е толку честа појава како болката во рамото кај пливачите, многу истражувачи објавија дека овој вид на болка се зголемил на 16% доколку се земат сите повреди настанати во вода.
Во некои студии, рекреативното пливање (односно, пливањето два пати неделно) може да игра заштитна улога во развојот на болки во долниот дел на грбот. Но, овој заштитен фактор не е значителен кај професионалните пливачи.
Пливачите го искористуваат телото со екстремни движења со повторувачки начин, здружено со моќен удар кој бара позиционирање на телото во новосоздадените анатомски позиции, се со цел да се зголеми производството на сила. Од тука започнува пореметување на биомеханиката, како и мускулно-скелетните повреди.
Грбното пливање и пливањето во вид на пеперутка заслужуваат посебно внимание поради нивното големо оптоварување и стрес на долнот дел на грбот. Всушност, иритацијата во долниот дел на грбот историски е наречена и ‘’butterfly back syndrome’’. Силата и опсегот кој е потребен да се изведе овој вид на пливање е адекватно на мобилноста на лумбосакралните зглобови, како и колкот, колената и флексибилноста на глуждот. Овој вид на репетитивно пливање може да доведе до воспаление и рефлексивни грчеви во грбот, како и болка.
♦♦♦♦ Од истиот автор, прочитајте и: Денис Арсовски: Како да се превенира пливачкото рамо кај спортистите- пливачи?
ПРЕВЕНЦИЈА
За да се избегне повреда или болка во долниот дел на грбот, пливачите треба да превземат превентивни мерки. Од суштинско значење е темелната проценка на мобилноста на ‘рбетот, колковите, карлицата и рацете. Треба да се решат корекциите на мускулните дисбаланси (како на пример, тесни флексори на колкот, но ова важи само за професионални пливачи).
Бидејќи пливањето претставува спорт или рекреација која се одвива во вода, односно во отежнати услови на подвижност на телото, потребно е да се направат минимални вежби за истегнување на телото со цел да се загреат соодветните мускули кои се главни компоненти на пливањето. Ова е особено важно доколку се плива грбно, или во вид на пеперутка.
Од превентивен план, како што напоменав се вежбите за истегнување пред започнување на некои видови на пливање кои бараат посебно напрегање на телото, особено на грбот.
Исто така здравата исхрана игра голема улога. Се препорачува да се користи куркума која придонесува за одржување на флексибилноста на зглобовите и тетивите и има силни антиоксидативни својства. Но, додавањето на прашок од куркума како зачин во исхраната не е доволно да се искористат нејзините придобивки, бидејќи куркуминот многу слабо се абсорбира во организмот и не навлегува добро во крвта. Затоа е препорачливо да се користат додатоци на исхрана кои во својот состав имаат куркума т.е. куркумин – активна состојка на куркумата.
Еден од нив е FLEXOFYTOL на белгиската компанија Tilman. Тој во својот состав содржи био-оптимизиран екстракт од куркума добиен преку патентиран процес со кој се постигнува лесна ресорбција во споредба со прашокот од куркума. На таков начин телото ја добива потребната количина на куркумин со кој се придонесува за одржување на флексибилноста на зглобовите и тетивите и го ограничува стареењето на ‘рскавицата.
