Резултатите од новата студија во која учествувале повеќе од 6 600 пациенти со просечна возраст од 62 години, укажуваат на тоа дека депресијата може да биде фактор на ризик за развој на пореметување на срцевиот ритам, познато како атријална фибрилација, која може да доведе и до мозочен удар.
Имено, се покажало дека луѓето кои страдаат од депресија, како и луѓе кои се на терапија со антидепресиви, имаат 30 отсто поголеми шанси за развој на атријална фибрилација, отколку луѓето кои немаат депресија и не земаат антидепресиви.
Резултатите од студијата дополнително ја поддржуваат теоријата дека менталното здравје и здравјето на срцето се тесно поврзани
Овие резултати се важни, бидејќи укажуваат на голем дел од населението кое може да има зголемен ризик од атријална фибрилација, а на кое може да му помогнат превентивните мерки.
На научниците не им е сосема јасно како депресијата му пречи на функционирањето на срцето, но се претпоставува дека зголемувањето на воспалението и покаченото ниво на одредени хормони, може да имаат улога во развојот на атријална фибрилација.
Лекарите и пациентите треба да бидат свесни дека депресијата може да биде фактор на ризик за појава на срцеви заболувања, се наведува во рапортот на „American Heart Association Meeting“.
