Празничниот период е време на радост, дружење и често претерување со богата храна и пијалоци. Но, по неколкудневното уживање, организмот може да се чувствува оптоварено. За среĕа, постојат начини како да го прочистите телото и да го вратите во баланс. Еве неколку корисни совети за детоксикација.
1. Хидратација е клучот
Водата е основа на секоја детоксикација. Таа помага во исфрлање на токсините од организмот преку бубрезите и ја одржува хидратацијата. Пијте најмалку 2 литри вода дневно, а за дополнителни придобивки, додајте неколку капки свеж лимон.
Совет: Започнете го денот со чаша топла вода со лимон. Ова ќе го поттикне варењето и ќе го разбуди метаболизмот.
2. Намалете го внесот на шеќери и преработена храна
По празниците, најчесто се чувствуваме подуено поради големиот внес на шеќери, сол и преработени намирници. Обидете се да избегнувате слатки, газирани пијалоци и готови јадења. Наместо тоа, фокусирајте се на свежо овошје, зеленчук и здрави извори на протеини.
3. Внесувајте повеќе влакна
Влакната помагаат во чистење на дигестивниот систем и го подобруваат варењето. Додајте во исхраната зелен лиснат зеленчук како спанаќ и кеķ, брокула, моркови, и интегрални житарки.
Совет: Направете зелено смути со спанаќ, киви, јаболко и вода или бадемово млеко.
4. Движете се повеќе
Физичката активност е одличен начин за стимулирање на циркулацијата и поттикнување на исфрлање на токсините преку потење. Брзото пешачење, јога или лесни вежби дома може да направат голема разлика.
5. Чај за детоксикација
Некои чаеви имаат природни својства за чистење на организмот. Пробајте зелен чај, чај од ѓумбир или од глуварче, кои се познати по своите детокс својства.
Рецепт: Загрејте вода и додајте свеж ѓумбир и парче лимон. Оставете да отстои 5-10 минути и уживајте.
6. Одмор и сон
Вашето тело се регенерира додека спиете. Осигурете се дека добивате доволно сон, барем 7-8 часа, за да му помогнете на организмот да се обнови.
7. Постепено воведувајте промени
Не е потребно драстично да ги смените навиките одеднаш. Започнете со мал чекор секој ден – како да додадете едно здраво јадење или да замените газиран пијалок со вода.
Пример за еднодневно детокс мени:
Појадок: Зелено смути (спанаķ, банана, киви, вода).
Ужина: Шака бадеми или ореви.
Ручек: Печена риба со зеленчук на пареа (брокула, моркови).
Ужина: Јаболко или портокал.
Вечера: Супа од зеленчук или свежа салата со маслиново масло и лимон.
