Дијареја предизвикана од антибиотици доведува до честа потреба за празнење на цревата, а настанува како реакција на антибиотиците.
Најчесто дијарејата е со лесна, блага форма, која престанува кратко време по престанување на земање на антибиотиците. Но понекогаш може да предизвика воспаление на цревата (колитис) или псевдомембранозен колитис, посериозен облик на колитис. Двата вида може да предизвикаат абдоминална болка, треска и крвава дијареја.
Лесна дијареја предизвикана од антибиотици не бара лекување. Посериозните облици бараат прекин на земање на антибиотици или земање на некои други антибиотици.
Симптоми
Дијарејата предизвикана од антибиотици може да предизвика различни симптоми кои можат да бидат благи или сериозни.
Кај повеќето луѓе, дијарејата предизвикана од антибиотици ги има следниве симптоми:
- ретка столица
- забрзана работа на цревата
Дијарејата предизвикана од антибиотици најчесто започнува една недела по почетокот на земање на терапијата.
Сериозни симптоми
Некои луѓе чувствуваат посериозни симптоми. Кога има нагло размножување на штетните бактерии во областа на цревата, веројатно, ќе имате симптоми на колитис или псевдомембранозен колитис како:
- ретка столица
- забрзана работа на цревата
- треска
- абдоминални грчеви и болки
- слуз во столицата
- гадење
- крв во столицата
- губење на апетитот
Кога да се посети доктор?
Посетете го вашиот доктор веднаш штом забележите сериозни симптоми на дијареја предизвикана од антибиотици. Овие симптоми може да бидат симптоми на различни болести, па вашиот лекар најверојатно ќе препорача испитувања за да дознае за што се работи.
Совет: Земањето пробиотици во време на терапија со антибиотици може да ја спречи појавата на дијареја.
