Тестенините, без оглед на тоа колку се вкусни, само по себе значат скроб, кој не е особено добар за нас. Во 100 г тестенини се содржани околу 390 калории, а повеќето од нив ги сочинува скробот, кој во нашето тело се претвора во шеќер, односно се складира како масни наслаги.
Сепак, научниците имаат добри вести за сите љубители на тестенини – постои начин да се намали бројот на калории во нив.
Се што треба да направите е да не ги јадете веднаш по готвењето, туку да ги изладите па повторно да ги загреете. Ова откритие е, всушност, случајно пронајдено за време на експеримент во телевизиското шоу на Би-би-би „Trust Me, I’m a doctor“.
На испитаниците им биле дадени тестенини, а потоа им се мерело нивото на шеќер во крвта и тоа на секои 15 минути. Оние кои јаделе свежо варени тестенини имале дури двојно повисоко ниво на шеќер во крвта за разлика од оние кои јаделе иста количина на паста, но која прво била оладена, а потоа повторно загреана.
„По повторното загревање, скробот во тестенините повеќе се однесува како оној во мешунките, бананите или овесот“, изјавил д-р Крис ван Туелекен, кој е одговорен за необичното, но важно откритие.
Со други зборови, греењето на остатоци од ручек или вечера, барем кога станува збор за тестенините, е поздрава опција. Имено, на овој начин се намалува и ризикот од дијабетес, како и дебелина.
