Во студијата објавена во „Journal of Epidemiology & Community Health“ се наведува дека исхраната, која е богата со тестенини и ориз е поврзана со година и пол порана менопауза во споредба со просечниот почеток на менопаузата околу 51 година.
Истражувањето на Универзитетот во Лидс покажало дека исхраната богата со мрсна риба, грашок, грав и леќа може да ја одложи менопаузата за една и пол година.
Но експертите додаваат дека многу други фактори, вклучувајќи ги и гените, влијаат на почетокот на менопаузата, наведува „Би-би-си“.
Авторите на студијата напоменуваат дека нивната студија е само опсерваторска и не ги докажува причините, но нуди можни објаснувања кои стојат позади нивните откритија.
На пример, мешунките содржат антиоксиданти, кои можат подолго да го продолжат менструалниот циклус.
Рафинираните јаглехидрати го зголемуваат ризикот од резистенција на инсулин, што може да влијае врз половите хормони и да го зголеми нивото на естроген.
