Егзотично: Циметот е мошне лековит зачин. Измешајте лажичка фино мелен цимет со лажичка вода, па таа смеса нанесете ја на челото.
Луто: Ѓумбирот важи за чудотворно средство против настинка, но може да ја „избрка“ и главоболката. Едноставно земете парче ѓумбир со големина од 2 см и џвакајте го.
Слатко: Ванилата важи за одличен лек затоа што делува смирувачки и ја ублажува болката. Едноставно растопете екстракт од ванила во чаша вода и испијте ја!
Безболна храна: Причина за главоболката може да биде и пад на шеќер во организмот. Против главоболка идеални се намирниците полни со магнезиум, на пример, интегралните производи, јаткастите плодови, па и рибата.
Зеленчук: Исечете свеж компир на плочки, па ставете ги на челото и слепоочниците, па со нив благо тријте ја кожата.
Неверојатно: Дали сте знаеле дека градникот може да биде причина за главоболка?! Ако прерамките притискаат прејако, притисокот може лошо да делува на вратниот дел од ’рбетот, па заради тоа може да дојде до главоболка.
Студ: Кога ве боли глава можете да ја „изладите“ болката, на пример, со пешкир во кој има ќесичка мраз. Ставете ја ладната облога на челото и тоа ќе ги ублажи болките.
Кисело: Кој е храбар, ќе исцеди сок од лимон во филџан кафе! Вкусот е одвратен, но помага.
Гримаси: Акробациите со лицето, исто така, може да помогнат. Прво збрчкајте го челото и така останете околу 5 минути. Потоа опуштете се, па повторете 10 пати. Потоа наизменично стискајте ги очите и подигнувајте ги рамената кон ушите. На крајот отворете ги очите широко, па спуштете ги рамената. И ова повторете го 10 пати.
Кофеин: Можеби звучи чудно, но навистина може да ги ублажи болките: имено, кафето го поттикнува крвотокот, а тоа секогаш помага. Но внимателно – не пијте премногу кафе, бидете умерени.
