Зачините и зачинските билки освен што го подобруваат вкусот на јадењата и напитоците, помагаат и кај многу здравствени тегоби. Еве кои пет зачини едноставно мора да ги имате во кујната затоа што се исклучително здрави:
Куркума – обилува со антиоксиданти и состојки кои ги ублажуваат воспаленијата во организмот. 
Овој зачин, исто така, ги намалува дигестивните тегоби и шансите за појава на чир на желудникот.
Ѓумбир – ефикасно помага при главоболки и ублажува бројни гастроинтестинални пречки, како отежнато варење, мачнина, надуеност и киселини.
Цимет – богат е со антиоксиданти, антибактериски и фунгицидни состојки. Помага кај лошото варење на храната и при опстипација, како и при регулирањето на нивото на холестерол и глукоза во крвта.
Рузмарин – го зајакнува имунитетот и ги ублажува дигестивните пречки. Исто така, ја подобрува концентрацијата и го намалува ризикот од деменција.
Ким – ефикасно помага при грчеви и гасови во цревата кај бебиња и возрасни. Содржи активни состојки кои го поттикнуваат природниот процес на ослободување на телото од токсини. Исто така, претставува одличен извор на железо – во само 2 г ким (1 лажичка) има дури 1,3 мг од овој минерал.
