Утринското протегнување за многумина е инстинктивна реакција, но за оние кои не ја практикуваат, научниците им порачуваат дека треба да ја воведат како дел од секојдневната рутина.
Протегнувањето овозможува добро чувство веднаш по будењето, па штета е да се лишите од добар почеток на денот. После неколку часа лежење во креветот во повеќе или помалку иста позиција, протегнувањето со рацете над главата, дури и во кревет, е одличен начин да се разбудите и да ја поттикнете циркулацијата.
Научникот Луис Вилазон понуди интересно објаснување за онлајн изданието на Би-би-си фокус магазинот, во кое кажува зошто луѓето се протегнуваат наутро. „За време на спиењето, мускулите се опуштени и течноста се акумулира во пределот на грбот. Со протегнувањето таа се враќа во „нормална состојба“, вели тој.
Протегнувањето по будењето го намалува и стресот и е одличен начин да се поттикне циркулацијата и да се подготовите за новиот ден. Она што треба да го избегнувате веднаш по будењето е набрзина да се подготвувате, бидејќи на тој начин секој нов ден го започнувате со стрес, додека протегнувањето уште во креветот ќе ви овозможи да се ослободите од стресот и полесно да тргнете во новите дневни задачи кои се пред вас, вели терапевтот Никола Лицамели „Елит дејли“.
