Понекогаш причините за постојаното чувство на студ се сериозни здравствени проблеми кои бараат лекарска помош. Но понекогаш станува збор за работи кои можете да ги решите и сами со менување на некои навики.
Лошата циркулација често е проблем, но тоа може да се реши со поголема физичка активност. Луѓето кои се премногу слаби или често се ненаспани или уморни, може постојано да им биде ладно.
„Недостатокот на сон негативно влијае на вашиот нервен систем со отфрлање на регулаторните механизми во мозокот кои влијаат на телесната температура“, вели д-р Холи Филипс, интернист од Њујорк, пишува магазинот „Health“.
Една од причините може да биде и недостатокот на витамин Б12, кој е одговорен за создавање на црвени крвни клетки кои имаат задача да го транспортираат кислород низ нашето тело
Други причини поради кои би можело постојано да ви биде ладно се стресот, анемијата, дисфункцијата на тироидната жлезда… Стресот ги компресира крвните садови и го забрзува дишењето. Поради тоа се намалува нивото на јаглероден диоксид, кој е одговорен за ширење на волуменот на крвните садови.
Во случај на анемија, чувството на студенило би можеле да го решите со земање екстра железо. Ако постојано ви студи, можеби е пореметена и работата на тироидната жлезда, жлезда која го регулира вашиот метаболизам.
Студени и црвени прсти би можеле да бидат и знак на Рејновиот синдром, но и некои други имунолошки заболувања.
