Агенцијата за здравствена безбедност на Велика Британија го ажурираше списокот на симптоми кои сега вклучуваат болно грло, болки во мускулите и пролив.
Промената доаѓа повеќе од две години по почетокот на пандемијата и само неколку дена откако беше прекинато бесплатното тестирање во Англија.
Сепак, агенцијата предупредува дека многу од новите симптоми се многу слични на оние на настинка и грип.
Оригиналните симптоми на инфекција со коронавирус кои се идентификувани во Велика Британија се:
- Температура
- Континуирана кашлица
- Губење на мирис и вкус
Од раните денови на пандемијата, познато е дека овие три симптоми се само врвот на ледениот брег. Светската здравствена организација и другите земји, вклучително и САД, веќе некое време користат подолг список на симптоми.
Сепак, во Велика Британија веќе подолго време се води дебата за тоа кои симптоми треба да се сметаат за индикација за тестирање на КОВИД-19. Главоболката, на пример, е познат симптом на ковид, но нема се тестира секој што има главоболка.
НОВАТА ЛИСТА НА СИМПТОМИ Е:
– отежнато дишење
– чувство на замор и исцрпеност
– болки во телото
– главоболка
– болно грло
– затнат нос или течење на носот
– губење на апетит
– дијареа
– чувство на гадење или повраќање
