Неодамнешна научна студија го испитувала терапевтскиот ефект на музиката и открила дека мускулите трошат помалку енергија доколку за време на физичкиот напор слушаме музика.
Белгиските и германските истражувачи кои биле дел од неа истражувале како луѓето го забележуваат напорот на физичкиот тренинг во зависност од тоа дали за време на тренингот слушаат музика или не. Учесниците во студијата вежбале додека слушале музика или додека си потпевнувале. За време на испитувањето била мерена и нивната потрошувачка на кислород.
Се покажало дека потрошената сила не зависи од тоа дали слушаме музика или не, туку дека музиката само го намалува нашето перцепирање на напорот за 50 проценти (и тоа веќе во првите 6 минути од тренингот). Интересно е дека научниците утврдиле и дека потрошувачката на кислород се намалува кога вежбачите си потпевнуваат наместо што само слушаат музика, како и дека во таква ситуација мускулите трошат помалку енергија.
Научниците претпоставуваат дека музиката ги релаксира личностите додека вежбаат или, пак, и дека таа самата станува движечка сила за време на физичките напори.
