Доколку сте личност која не вежба можеби после овој текст и ќе се мотивирате. Зарем не е доволно тоа што научниците веруваат дека вежбањето може да ве усреќи како и зголемување на приходите за 25 000 долари.
Најновото истражување кое се бавело со оваа тема било спроведено на Јејл и Оксфорд, а биле анкетирани околу 1,2 милиони Американци за тоа каква е нивната дневна рутина кога се работи за вежбањето, а од друга страна, собирале податоци за нивните примања, брачниот статус и здравствената состојба. Ова им помогнало на истражувачите да најдат директна поврзаност меѓу среќата и телесната активност.
Според добиените резултати, луѓето кои вежбаат имаат за 43 проценти поквалитетна психичка состојба во однос на оние кои не се занимаваат со никаква физичка активност. Истражувачите откриле дека всушност телесната активност ги навела испитаниците да го проценат своето ментално здравје на сличен начин како и луѓето кои заработиле 25 000 долари повеќе од нив.
Со оваа студија било утврдено и дека доколку премногу се вежба, тоа може да биде и контрапродуктивно за менталното здравје. Значи, за да бидете среќни не мора да вежбате постојано и да претереувате, доволно е да се вежба пет пати неделно од 30 до 60 минути.
