Америка важи за земја во која прекумерната тежина е сериозен проблем, па токму таму е спроведено истражување за тоа колку слободно време имаат луѓето. Во истражувањето во кое учествувале скоро 32 000 испитаници, се покажало дека луѓето во просек имаат по 5 до 6 часа слободно време во текот на денот. Но тоа време не се користи за вежбање, туку за гледање телевизија или ’сурфање’ по интернет.
Стручњаците велат дека една возрасна личност на неделно ниво треба да поминува барем 150 минути во физичка активност, односно да вежба барем по половина час, пет дена неделно. Ова непишано правило не се применува, со изговор за немање време, па затоа во светот има се повеќе луѓе со прекумерна телесна тежина.
