За разлика од претходните варијанти кои ги заобиколуваа децата, оваа не ги избира своите жртви, па и децата до 12 години се во опасност. Во САД од почетокот на овој месец пријавени се околу 94.000 случаи на инфекции кај деца.
“Делта варијантата е многу позаразна и затоа почесто се јавува кај децата“, појаснуува д-р Пол Офит, директор на Центарот за заразни болести во Филаделфија.
според пишувањата на Центарот за контрола и превенција на болести, се работи за двојно позаразна варијанта која може да предизвика поопасни симптоми кај лицата кои не се вакцинирани, а со оглед дека поголем процент од децата се невакцинирани, се работи за ризична група.
Како да се препознае делта варијаната кај децата?
КОИ СЕ СИМПТОМИТЕ НА ДЕЛТА СОЈОТ КАЈ ДЕЦАТА?
Се уште е многу рано да се процени која е разликата во симптомите, но од Универзитетот Јеил информираат дека кашлицата и губењето на мирисот се ретки, додека главоболките, болките во грлото и покачената температура и натаму се главните симптоми.
“Прерано е да се зборува за факти додека не се видат резултати од висококвалитетни студии“, додава д-р Мајкл Гросо, шеф на педијатрија во болницата Хантингтон.
“Засега, симптомите кај децата и младите се познати, температура заедно со кашлица, течење на нос, гастроентеролошки нарушувања, но и осип што не се јавува толку често“, додава Гросо. Пред делта сојот, КОВИД немаше симптоми кај децата, но сега се е променето. Тој додава дека без разлика која варијанта во моментов е доминантна, родителите мора да бидат свесни и за други состојби што може да ги КОВИД-19 кај младите луѓе.
МУЛТИСИСТЕМСКИ ВОСПАЛИТЕЛЕН СИНДРОМ
Една од сериозните болести е секако мултисистемскиот воспалителен синдром. Кај децата тоа е состојба кога различни делови од телото се зафатени од воспаление, а тоа се однесува на белите дробови, срцето, бубрезите, кожата, очите и гастроентеролошките органи. Секако, важно е веднаш да контактирате со лекар, медицинско лице или болница ако забележите некој од овие симптоми кај детето:
- Висока температура
- Болка во делот на стомакот
- Повраќање
- Пролив
- Болка во вратот
- Осип
- Црвенило на окото
- Силен замор
- Низок крвен притисок
КОГА ДЕТЕТО ТРЕБА ДА СЕ ТЕСТИРА НА КОВИД?
Ако забележите дека има симптоми кои укажуваат на проблеми со горниот респираторен систем, детето задолжително треба да се тестира. Исто така, горенаведените симптоми значат дека треба итно да посетите лекар, а тоа посебно се однесува за децата кои одат во училиште.
