Фотографиите го покажуваат влијанието на вирусот SARS-CoV-2 на белите дробови на пациенти со КОВИД-19, но едниот пациент е вакциниран, а другиот не е.
“Оние кои многу ќе се разболат се невакцинирани лица“, вели шефот на Медицинскиот центар Дир Вали, д-р Сем Дурани и додава дека невакцинираните лица често мораат да бидат на механичка вентилација или на кислород.
“Белите дробови на вакцинираниот пациент покажуваат поголем проток на воздух, со поголем дел од белодробието обоен во црно, што значи дека нема оштетување или тоа е мало. Од друга страна, рендгенот на невакцинираното лице покажува дека белите дробови се ‘закрчени’, што го ограничува протокот на кислород во целото тело“, објаснува д-р Дурани.
“Вакцините штитат од потешка форма на болеста и смрт кај поголемиот број лица кои ќе добијат КОВИД-19“, објаснува тој.
Податоците од Центарот за контрола и превенција на болести на САД (ЦДЦ) покажуваат дека ризикот од смрт од КОВИД-19 е единаесет пати поголем кај невакцинираните возрасни лица отколку кај вакцинираните. Смртен исход кај лица кои се комплетно вакцинирани чини сочинува 1% од вкупните смртни случаи од КОВИД-19 во Англија.
“Вакцината делува исклучително добро и спречува вирусот да напредува до воспаление на белите дробови или да ги инфилтрира белите дробови“, потенцира д-р Дурани.
