Долговечноста е сон на сите, барем потсвесно – а ова се некои навики кои ги применуваат лицата кои долго живеат.
ИМААТ ВЕРБА – студија објавена во списанието “International Psychogeriatrics” го проучувала начинот на живот на Италијанци помеѓу 90 и 100 години и открила дека голема улога во нивната долговечност има духовноста и пронаоѓањето смисла, односно свест за тоа дека сме дел од широка слика.
ИЗЛЕГУВААТ – како старееме, се повеќе време минуваме во своите четири ѕида, што има лоши последици по здравјето – помалку се движиме и ги губиме социјалните контакти.
ЈАДАТ МЕШУНКИ – мешунките се богати со влакна и протеини, поради што нутриционистите ги нарекуваат чудесна храна. Ваквиот тип на храна е најзастапен кај населението кое има и најголем процент на возрасна популација.
НЕ ПУШАТ – наједноставен начин да се подобри здравјето.
ПОЗИТИВНИ СЕ – студија од 2012 година, во која учествувале лица на возраст од 95 до 107 години била направена со цел да се открие тајната на нивната долговечност. Научниците при тоа откриле дека повеќето од нив се оптимисти и дека имаат смисол за хумор.
СЕ ДВИЖАТ – истегнувањето и развдижувањето спречува падови и скршеници, што кај повозрасните лица може да доведе до фатални последици.
УЖИВААТ – истражување во Велика Британија покажало дека возрасните лица кои во своето секојдневие имаат позитивна рутина и навика, како редовна физичка активност и балансирана исхрана, се повитални во однос на оние кои ги немаат.
ВЛАДЕАТ СО ЖИВОТОТ – научници од Универзитетот Рочестер во Њујорк, на кој се проучува долговечноста, тврдат дека две третини од она што влијае на тоа дали ќе доживееме сто години, е под наша контрола. Станува збор за животни навики и став. Стогодишниците одамна го имаат земено животот во свои раце, и знаат дека тој е подарок и чудо кој не треба да се доживуват пресериозно.
ВОЛОНТИРААТ – постарите лица имаат животно искуство, вештина и мудрост да ја понудат на оние на кои светот им останува, Добро е чувството да се врати нешто на општеството, а волонтирањето е најдобриот начин за тоа.
