Гените влијаат на оптимизмот

Во проучувањeто учествувале 200 испитаници, на кои им се прикажани позитивни, негативни и неутрални зборови во брз след.

Некои луѓе генетски се предиспонирани да го гледаат светот во темни бои, утврдило ново истражување на Универзитетот Британска Колумбија. Ова истражување, објавено во списанието Psychological Science, утврдило дека една позната варијанта на гени доведува до тоа дека поединци ги согледуваат емоционалните случувања – особено негативните – поживо од другите.

„Ова е прво проучување кое укажува дека генетската варијација влијае на начинот како луѓето го гледаат и го доживуваат светот“, изјавила проф. Ребека Тод, додавајќи дека „наодите укажуваат дека луѓето ги доживуваат емоционалните аспекти на животот низ генетски обоени очила, така што генетиката може да игра значајна улога во индивидуалната разлика во перцепцијата.

Станува збор за генот ADRA2b. Утврдено е дека тој ген, исто така, игра улога и во перципирање на реалното (несубјективното, психолошкото) време.

Во проучувањeто учествувале 200 испитаници на кои им се прикажани позитивни, негативни и неутрални зборови во брз след. Испитаниците со варијантата на ADRA2b генот биле посклони да ги запазуваат негативните зборови од останатите.

„Тие лица, на пример, се склони во толпа луѓе да забележат гневни лица. А надвор тие може да забележат потенцијални опасности – места каде може да се лизнат, лабави карпи или камења кои може да паднат, наместо да ја забележуваат природната убавина“, објаснува авторката на истражувањето проф. Тод.

Секако, ништо не е црно-бело. Секако, дека е убаво во животот да бидеме оптимисти, но понекогаш е многу покорисно ако сме во состојба да ги забележуваме реалните потенцијални опасности – тоа е дури особина која е значајна за преживување. Посебно е интересно што истражувачите сметаат дека на некои народи имаат многу поизразен ваков ген. Во истражувањата учествувале и стручњаци од Универзитот Торонто, како и од Центарот за зависност и ментално здравје од Торонто.