Не се сите двојки исти, но, се чини, дека сите делат една заедничка особина – мразат да мијат чинии. Стручњаците ја проучувале динамиката на врските на бројни парови и каква врска има таа со поделбата на домашните обврски вклучувајќи пазарење, миење садови, облека и чистење на домот. Резултатите покажале дека жените во хетеросексуални врски кои главно сами мијат садови се значително понезадоволни во врската, почесто се караат со партнерот и имаат помала желба за секс во споредба со оние на кои партнерите им помагаат во миењето садови.
Проблем со комплиментите
Колку таа „ситница“ е важна докажува податокот дека од сите домашни обврски жените најмногу ценат кога партнерот ќе им помогне со „миењето“ садови. За волја на вистината тоа е прилично одвратна обврска, особено кога морате да миете цели купови чинии.
„Проблемот лежи во тоа дека никој не дава комплименти на сметка на чистите садови затоа што тоа се „подразбира““, вели професорот по социологија Дан Карлсон.
Состојбата се поправа
И понатаму оваа обврска е традиционално резервирана за женскиот род и со самото тоа создава чувство дека жените мораат да го прават она што мажите не сакаат. Меѓутоа, добра вест е тоа што во поново време миењето садови и одењето во шопинг се почесто се дели меѓу партнерите.
Во студија од 2006 година, 30 отсто од двојките рекле дека и двете страни учествуваат во набавката на намирници, а 29 проценти ги делеле и обврските околу миењето садови.
