Научниците откриле два нови симптома на рак на панкреас, што е важен чекор кон пораната дијагностика и подобрувањето на инаку драматично ниската стапка на преживување кај заболените од овој вид на рак.
Двата новооткриени симптоми се чувство на жед и темна боја на урината.
Во истражувањето биле вклучени над 24.000 пациенти на кои им бил дијагностициран рак на панкреас помеѓу 2000 и 2017 и покажало дека жедта и темната боја на урината се поврзани со дукталниот аденокарцином на панкреас кој инаку е најчестиот тип на тумор на панкреас. Останатите симптоми поврзани со дуктален аденокарцином на панкреас се отежнато голтање, пролив, промени во работата на цревата, повраќање, лоша дигестија, болка во стомакот, губење на телесна тежина, запек, масти во столицата, отекување на стомакот, мачнина, надувување, жиговина, замор, губење на апетитот, чешање и болка во грбот.
Препознавањето на симтпомите кои би можеле да упатуваат на рак на панкреасот може да им помогне на лекарите од примарната здравствена заштита да ги упатат пациентите на итно тестирање доколку се присутни такви неспецифични симптоми.
