Антибиотиците не треба да се земаат освен во случај на екстремна потреба, бидејќи можат многу повеќе да му наштетат на организмот отколку што ќе му користат. Во случај на инфекција ќе помогнат да оздравите, но зад себе ќе остават многу последици. Ова го потврдува и истражувањето на Универзитетот во Амстердам во кое учествувале 66 здрави доброволци. Истражувачите земале примероците од нивната столица и плунка пред и непосредно после пиењето на антибиотици. Потоа земале примероци и по еден месец, два месеца, четири и 12 месеци.
Биле тестирани четири вида на антибиотици (клиндамицин, ципрофлоксацин, миноциклин и амоксицилин), и кај сите била забележана значајна промена во микробиолошката разновидност во цревата. Меѓутоа, ситуацијата со микробите во устата не била проблематична, за неколку недели се опоравиле. Во некои случаи и за една недела.
Истражувачите заклучиле дека антибиотиците го менуваат составот и разновидноста на цревните микроби со месеци по земањето. Тоа може да го отвори патот за опасни патогени бактерии
Истражувачите заклучиле дека антибиотиците го менуваат составот и разновидноста на цревните микроби со месеци по земањето, а во некои случаи и до година дена (оние кои земале ципрофлоксацин). Тоа може да го отвори патот за опасни патогени бактерии, вклучувајќи ја и потенцијалносмртоносната Clostridium difficile. Промената во разновидноста на бактерии може да го наруши имунолошкиот систем и варењето на храната. Исто така, откриле дека клиндамицинот ги уништува микроорганизмите кои произведуваат бутират – масна киселина, која го намалува ризикот од воспаление и тумори и има заштитен ефект врз гастроинтестиналниот тракт, пренесува „Food Matters“.
