Земање антибиотици често како несакани ефекти има разни гастроинтестинални тегоби, како што се болки во стомакот, запек или пролив, а понекогаш и гадење и повраќање – предупредуваат експертите и советуваат дека сето ова може да се избегне со земање на производи со добри бактерии (пробиотици).
Добрите млечно-киселински бактерии влијаат позитивно на имунолошкиот систем, дигестивниот систем и општата здравствена состојба, а го контролираат и бројот на штетни бактерии и така го зачувуваат здравјето на пациентите
Интересот за пробиотиците е проследен и со бројни испитувања за нивното нивното позитивно дејство врз здравјето, а често се говори и за нивниот позитивен ефект при терапија со антибиотици, бидејќи се корисни за воспоставување на нарушената рамнотежа на цревната микрофлора.
За да бидат поефикасни, корисно е да се земаат еднаш дневно, со пауза од најмалку три часа и тоа после антибиотиците. Две состојки покрај пробиотикот посебно и помагаат на нарушената рамнотежа на цревната флора, а тоа се цинкот и апигенинот: цинкот докажано ја намалува тежината и времетраењето на дијарејата и дополнително го зајакнува имунитетот, а заздравувањето е побрзо за дури 15 проценти. Исто така, цинкот ја подобрува апсорпцијата на вода и електролити, и на тој начин ја спречува можноста за дехидрација.
Истражувањата покажаа дека земањето на комбинација на цинк и пробиотик го намалува ризикот од болести на дигестивниот систем, го намалува воспалението и го враќа балансот на дигестивниот систем. Се повеќе се истражува и апигенинот, посебен вид на флавоноид, кој има поволно дејство врз клетките на дигестивниот систем, бидејќи делува антивоспалително и помага при дигестивни проблеми како што се надуеност и грчеви во цревата, што може да биде корисно кај синдром на иритабилно дебело црево и разни воспалителни цревни болести.
