Лекувањето на мажи со нискоризичен рак на простата со само една доза високо зрачење може да биде сигурно и ефикасно, укажува нова британска студија презентирана на последниот состанок на Европската асоцијација за радиотерапија и онкологија. Терапијата за рак на простата обично вклучува ниски дози на зрачење во период од неколку дена или недели, додека високите дози зрачење се даваат единствено низ група на ситни цевчиња вметнати директно во туморот.
За пациентите со нискоризичен рак на простата доволна е една висока доза на зрачење, но за пациентите со карцином од среден или висок ризик една доза од 19 Gv не е доволна. Кај таквите пациенти потребно е да се зголеми дозата или да се примени зрачење неколку пати.
Инаку, мажите со рак на простата обично добиваат дози на зрачење од 2 GV неколку пати. Ниските дози на зрачење се применуваат како би се намалиле нуспојавите на зрачењето. Нуспојави кои може да се јават кај високи дози зрачење се ректална фистула и стеноза на уретерот и може да потраат со години.
