Овие симптоми на рак на простата мажите не смеат да ги игнорираат

Симптомите за рак на простата се различни кај секој човек, па никогаш не се исклучува можноста дека некои од овие симптоми можат да бидат предизвикани и од страна на други болести.

Иако околу раното откривање на рак на простата во светот се уште се водат бројни полемики, многу стручњаци препорачуваат воведување и континуирано спроведување на скрининг за рак на простата кај сите мажи постари од 40 години.

Ракот на простата е малигнен тумор кој потекнува од клетките на простата. Општо, туморот на простата најчесто расте полека и долги години останува ограничен само на жлездата. За тоа време, туморот создава малку или воопшто не дава симптоми и/или надворешни сигнали. Како ракот на простата напредува со растењето, се зголемува можноста за негово ширење надвор од простата во околните ткива (локално ширење). Освен тоа, ракот може да се рашири и во поодалечени органи и да дојде до појава на метастази, најчесто на коските, белите дробови и црниот дроб.

Точната причина за овој тип на карцином не е позната. Постојат ризик фактори за негов развој како поодминати години, генетика (наследна склоност), хормонално влијание, како и фактори од околината како што се токсините, хемикалиите и индустриските производи. Несомнено, ризикот за развој на рак на простата се зголемува со годините, што значи дека ракот на простата пред 40-тата година многу ретко се бележи во светот, додека кај мажите над 75 години е многу чест.

Симптомите за рак на простата се различни кај секој човек, па никогаш не се исклучува можноста дека некои од овие симптоми можат да бидат предизвикани и од страна на други болести. Според Светската здравствена организација, ракот на простатата е една од најчестите причини за смрт кај мажите.

За жал, во повеќето случаи, симптомите за рак на простата се појавуваат само на почетокот од развојот на болеста.

Исклучително е важно, особено мажите над 40-годишна возраст, редовно да посетуваат уролог, кој ќе им направи ректален и преглед со ехо, како и да направат тумор маркери.

12 знаци кои можат да укажуваат на рак на простата:

  • Чест нагон за мокрење, особено во текот на вечерта;
  • Потешкотии при мокрењето, во стоечка положба. Исто така, и потешкотии на почеток и на крајот од мокрењето;
  • Намален проток на урината и промена на бојата на урината;
  • Печење во текот на мокрењето;
  • Непријатно чувство на почетокот на процесот на мокрење;
  • Болка или вкочанетост во колковите, бутовите, нозете и/или долниот дел на грбот;
  • Коскена болка која може да води до фрактури;
  • Непријатност и оток во нозете или пределот на карлицата;
  • Проблеми со ејакулација;
  • Импотенција – еректилна дисфункција;
  • Крв во урината (хематурија);
  • Крв во спермата (Hematospermia).