Оној кој имал габички на ноктите знае колку е тешко да се справи со нив и колку се тие упорни. Нив најчесто ги „собираме“ на влажни места – заеднички тушеви или базени се вообичаени извори на габични инфекции. Уште ако имате и атлетско стапало, поголеми се шансите дека габите ќе прејдат на вашите нокти.
Ако се сомневате дека имате габи, задолжително обратете се на доктор. Лекувањето се изведува со различни третмани и лекови. Меѓутоа, постојат и алтернативни методи кои се многу ефикасни во борбата против овој проблем, а кои можете да ги испробате во домашни услови. Во продолжение ви предлагаме рецепт кој е едноставен за подготовка и употреба.
Сода бикарбона и оцет
Оцетот ефикасно ги убива габите. Тие не сакаат кисела средина, а сода бикарбоната ќе ја неутрализира киселината.
Потребни состојки:
- вода
- 1 чаша јаболков или алкохолен оцет
- 4-5 лажички сода бикарбона
- салфетки
Подготовка:
Ставете го оцетот во водата. Потопете ги стапалата 15 минути, а потоа избришете го со хартиени салфетки. Потоа натопете ги нозете во друг сад со вода, во кој ќе растворите 4-5 лажички сода бикарбона. На овој начин, оцетот ќе ги убие габите, а сода бикарбоната ќе ја неутрализира киселоста, со што се спречува повторен развој на габи.
Повторете го третманот два пати на ден. Морате да бидете упорни, затоа што габите, исто така, се многу упорни.
