Бил Марлер, адвокат кој ги застапува луѓето кои се во судски спорови со ресторани во кои се затруле со храна и кој е еден од водечките светски експерти во областа на труење со храна, за „Business Insider“ ја споделил својата листа на храна, која никако не би требало да ја нарачувате во ресторан.
„Денеска најголемиот проблем во рестораните за брза исхрана е работникот кој „копа“ во носот, па ви подготвува бурито“, вели Марлер.
Заедно со вообичаениот страв од рестораните за брза храна, Марлер вели дека дури и во класичните ресторани не сте сосема сигурни. Затоа открива кои пет работи никогаш не треба да ги јадете надвор од вашиот дом.
САЛАТИ
За многумина еден од посигурните избори, е всушност, еден од најризичните.
„Порадо би јадел суши отколку салата“, вели Марлер.
Причината е тоа што со готвењето на зеленчукот се убиваат бактериите кои се опасни, а во салатите има многу сурова храна. Доволно е ешерихија коли да се најде на едно мало ливче и со мешањето да се прошири низ целата салата.
СЛАДОЛЕД ОД АВТОМАТ
Чистотата на машините за мраз и сладолед може да предизвика големи проблеми кога работниците не ги следат безбедносните упатства. Понекогаш во нив може да се најде дури и мувла.
Обидете се да јадете храна која поминува низ што помалку раце додека да дојде до вас
СУРОВО МЕСО
Вечна тема на љубителите на месо: малку печено, средно печено, добро печено, препечено… Какво месо е најдобро?
Марлер вели дека се што е послабо печено од „добро печено“ е опасно по здравјето, бидејќи суровото месо може да содржи ешерихија коли или салмонела.
ШВЕДСКА МАСА
„Никогаш не јадам храна на шведска маса“, вели Марлер.
Шведските маси се изложени на поголемен ризик од бактерии, пред се, поради луѓето кои би можеле да ја допрат или да кивнат врз храната, и на тој начин да ја контаминираат. Друг проблем е температурата, бидејќи садовите кои се наоѓаат на собна температура се вистинска шанса за бактериите на кои им одговара топлината.
ХРАНА ОД СТРАНСТВО
Марлер предлага да се обидете да јадете храна која поминува низ што помалку раце додека да дојде до вас, бидејќи секој работник во синџирот на пренос на храна до вашата маса е потенцијален носител на бактерии.
