Дали е навистина можно да се заразите ако седите на веце-школка?
Тоалетната школка е едно од највалканите места во домот, но бројни студии покажале дека многу поголема закана по здравјето на луѓето се даските за сечкање, рачките од вратите, кујнските крпи…
Колкав е ризикот навистина да се заразите ако седите на тоалетната школка? Ризикот од инфекција, велат микробиолозите, е еднаков на нула. Професорот по микробиологија од Универзитетот во Аризона, Чарлс Герба, тврди дека тоалетните школки се најчистото места во тоалетот, бидејќи поради ставот дека се нечисти, најчесто се дезинфицираат и чистат.
Бактериите тешко преживуваат на сува, ладна и пластична површина како што е тоалетната даска. Доколку и ги има тие бактерии, истите некако мора да најдат пат и начин да влезат во телото. На пример, мора да постои отворена рана на дел од телото кое е во допир со тоалетната школка. Она што треба повеќе да не загрижува е фактот што многумина не ги мијат рацете по извршената нужда во тоалетот.
Даските за сечкање кои ги користиме во кујната имаат 200 пати повеќе фекални бактерии (како што е Ешерихија коли), отколку тоалетната школка.
Ако се плашите од опасни инфекции поради тоа што седите на веце-школката, станува збор за параноја, се согласуваат лекарите и микробиолозите.
„Попрво ќе умрете од нездрав начин на живот, нездрава храна и неактивен живот, седечки, отколку од пренос на зараза преку веце-школка“, тврди професорот Гилберт од Универзитетот во Чикаго.
