Магичен препарат со антивирусна, антибактериска, антифунгална и антипаразитарна активност. Се поголем замав во последно време заземаат разно-разните масла и екстракти, кои заради структурата освен што се полесни за употреба се и многу поефикасни. За вас го издвоивме екстрактот од семе на грејпфрут – чудесниот природен антибиотик и антисептик.
Д-р сци. Александар Сајковски ни ги откри придобивките од екстрактот од семето на грејпфрут, кој всушност се добива од семките и пулпата на грејпфрутот, а кој има волшебна антивирусна, антибактериска, антифунгална и антипаразитарна активност, а главно се користи како орален препарат.
„Драги пријатели, со милениуми години човекот се борел со болестите и се трудел да го подобри и промовира своето здравје. Имено, иако човекот не ги пронашол сите лекови за своите болести, мирот за сите војни, засолниште од сите земјотреси, брани за сите поплави, но во сите неволји успева да се најде себеси. Човекот никогаш не ги оддувал сите свои неволји, но научил како да ги пречека. Тој научил како да живее со или против нив. Со ова ги постигнал највозвишените особини кои најмногу го прават човек. Своите немири и емоции за своето здравје човекот ги нашол во природата. Не ја заборавајте и не ја потценувајте!!! Еден од круцијалните наши помошници со миленуими години во третманот на инфективните болести е и грејпфрутот. Екстрактот од семето на грејпфрут се добива од семките и пулпата на грејпфрутот. Има волшебна антивирусна, антибактериска, антифунгална и антипаразитарна активност, а главно се користи како орален препарат за третман на овие инфекции“, вели д-р сци. Сајковски.
Во прилог на своите антимикробни својства докажано е од авторитетите на повеќе медицински универзитети дека екстрактот од семето на грејпфрут ја промовира детоксикацијата на организмот и ги подобрува функциите на имуниот систем. Но она што е многу специфично е фактот дека овој екстракт помага да се подигне нивото на pH на крвта и на тој начин врши алкализација на телото. Овој процес е многу значаен ако се анализира во однос на поголем број на заболувања предизвикани од разни микроорганизми како што се вируси и бактерии кои не можат да преживеат во алкална средина, но и превенцијата и подобрувањето на голем број на дегенеративни болести кои се поврзани со киселата pH средина. Значаен елемент е и фактот кој покажува дека екстратот од семето на грејпфрут пројавува моќно антиоксидативно дејство, со што помага во намалувањето на слободните радикали и уништувањето и смрт на клетките и ДНК на телото на домаќинот.
Кога се употребува? Екстрактот од семето на грејпфрут семе се користи орално во третманот на настинка, грип, херпес инфекции, габични инфекции како кандида, вагинална габична инфекција и паразитарни инфекции, како што е Giardia lambia. Се користи со огромна ефикасност и во третманот на гастроинтестинални нарушувања, синдромот на нервозно дебело црево, синузитис, дијареа, па дури и кај труења со храна.
За што уште може да се користи? Екстрактот од семе на грејпфрут се користи и за чистење на устата. Може да ги спречи болките во грлото, да го спречи и третира гингивитот и ги промовира здравите непца, а го освежува здивот. Помага и во чистењето на кожата и го враќа тонот и бојата на кожата на лицето, помага и во третман на акни и екцем. Исто така, се користи за да го промовира растот на косата, а го намалува и заморот на мускулите. Покрај сите овие ефекти се користи како дезинфициенс, во третманот на исеченици и рани. Во сеопфатната база на податоци за природни лекови се забележува дека, исто така, може да се користи како вагинален туш за третман на вагинални инфекции, но и за локален третман на инфекциите на нос и уши.
А.С.
