Лицата кои често се лутат и тешко им простуваат на другите, изложени се на поголем ризик од срцев удар, во однос на лицата кои не се злопамтила, покажало најново истражување. Овие лица страдаат и од болки во грбот и од главоболка.
Научниците утврдиле дека простувањето е клуч на здравиот и балансиран живот. Лицата кои се подготвени да ги заборават несогласувањата, се во помала опасност да заболат од депресија, болести на срцето, мозочен удар и рак.
“Ако помните лоши работи, постојано ќе стравувате дека блиски луѓе повторно ќе ве изневерат, што долгорочно гледано го нарушува здравјето“, потенцира д-р Фред Лускин, психолог на Стенфорд.
“Коктелот“ на негативни емоции доведува до зголемен крвен притисок, а може да влијае и на слабеење на помнењето. Нервозни и конфликтни лица се посклони на срцев удар, чиј исход може да биде и фатален.
