Скршеното срце може да предизвика оштетувања на срцето како и срцев удар, тврди нова студија. Главно, тоа е резултат на емоционалниот стрес обично предизвикан од жал или непријатно раскинување. Во Велика Британија илјадници возрасни луѓе страдаат од синдром скршено срце.
Истражувачи докажале дека срцето може да биде ослабено кога одредени животни случки влијаат на лицето. Претходно, лекарите претпоставувале дека тие влијанија се привремени и штетите не се долготрајни, но тим од универзитетот Аберден, развил нова теорија.
Студија во која учествувале десетина лица кои страдале од синдром на скршено срце, покажала дека таа состојба трајно го слабее срцето како и срцевиот удар. Пациентите во период од две години, редовно правеле ехо преглед и магнетна резонанца, а истражувачите откриле дека тие кои страдаат од синдром на скршено срце не се во состојба да вежбаат и брзо се заморуваат.
„Овој синдром е почест отколку што сме мислеле. Нашата студија јасно покажува трајни несакани ефекти на срцето. Тие пациенти не се во состојба да вежбаат и многу лесно се заморуваат. Нашето истражување покажува дека синдромот на скршено срце треба да се лекува со иста итност, како и кај било кој други проблеми со срцето, како и тоа дека на пациентите им е потребен траен третман„, вели Дана Даусон, водач на истражувањето.
