ЕПИДЕМИЈА НА ПРЕКУМЕРНИ ДИЈАГНОЗИ НА ЕДЕН ВИД КАРЦИНОМ: Пациентите агресивно се лекуваат, иако не постои висок ризик за здравјето

Ракот на тироидната жлезда е меѓу оние болести кај кои “предијагностицирањето“ е често, па и агресивно се лекува, иако не постои висок ризик за здравјето.

Епидемијата на прекумерни дијагнози на карцином на тироидната жлезда брзо се шири во светот и зафаќа повеќе од едем милион лица во 26 земји, покажува најновото истражување на Агенцијата за рак на Светската здравствена организација (СЗО).

Ракот на тироидната жлезда е меѓу оние болести кај кои “предијагностицирањето“ е често, па и агресивно се лекува, иако не постои висок ризик за здравјето.

За предијагностицирање се вели кога кај луѓето, без никакви тегови, им се дијагностицира проблем, иако тој нема да им создаде никакви пречки, ниту од него порано ќе починат.

Истражувањето објавено во медицинското списание The Lancet Diabetes & Endocrinology, водено е во 26 земји, а го спровеле научници од Меѓународниот центар за истражување на карциноми (EACR) во соработка со Националниот институт за рав во Италија. Над еден милион лица (830.000 жени и 220.000 мажи) добиле дијагноза на карцином на тироидната жлезда помеѓу 2008 и 2012 година во тие 26 земји.

Со предијагностицирање на рак на тироидната жлезда главно се погодени жените на средна возраст.

Проценетиот удел на случаи на карцином на штитната жлезда кај жени кој може да се препише на непотребна дијагностика помеѓу 2008 и 2012 година изнесува околу 93% во Јужна Кореја, 87% во Кина, 91% во Белорусија, 84% во Италија и во Хрватска, како и 83% во Словачка и во Франција.

390.000 жени во Кина, 140.000 во Јужна Кореја, 120.000 во САД, 31.000 во Италија и 25.000 во Франција помеѓу 2008 и 2012 година, добиле непотребна дијагноза на рак на штитната жлезда, иако би продолжиле нормално да живеат и со болеста.

Поради претераната дијагностика, доаѓа до комплетно отстранување на тироидеата или доживотен третман кој можеби не е потребен.

Резултатите од истражувањето “упатуваат на тоа дека повеќето дијагнози на карцином на тироидната жлезда се последица на претераната дијагностика“, вели Салваторе Вакарела од Националниот институт за рак во Италија, кој го водел ова истражување.

Тој нагласува дека итно е потребно внимателно да се следи глобалниот развој на дијагностиката, поради нејзините размери и влијанија, а неодамнешните насоки стриктно препорачувааѕ да не се прави дијагностика на евентуален карцином на тироидеата кај лица кои немаат симптоми.