Кралицата на есента, нејзиното височество тиквата, за многумина е омилен сезонски производ, но дали ја знаете нејзината лековита моќ? Потврда доаѓа и од науката која вели дека тиквата има многу бенефиции по здравјето на луѓето и токму затоа треба да ја има почесто на вашата трпеза.
Во народната медицина тиквата се препорачува како диуретик, за исфрлање на вишокот вода од организмот, а особено е благотворна за луѓе кои боледуваат од ревматизам, гихт или воспаление на бубрезите.
За малку пополните луѓе тиквата е одлична диетална храна, исто како и за дијабетичарите, кои треба да внимаваат да не ја засладуваат при подготовката. Одлична е и за луѓе со заболувања на желудникот и тенкото црево, а помага и на лица кои страдаат од крвави проливи.
Тиквата се препорачува како диуретик, за исфрлање на вишокот вода од организмот, а особено е благотворна за луѓето кои боледуваат од ревматизам, гихт или воспаление на бубрезите
Особено корисни се семките од тиква, кои во народната медицина се употребуваат и како средство против детски глисти. Може да ги консумираат и деца од две – три години, бремени жени, доилки и постари лица, како и оние со заболен црн дроб. Потребно е наутро, на празен желудник, да се јадат истолчени семки со малку мед. За мали деца се препорачува од 30 до 50 г, а за поголеми од 30 до 150 г. За возрасни, пак, количината на семки да надмине над 300 г. Препораката по оваа терапија е неколку часа да не се јаде ништо друго.
Семките од тиква ги олеснуваат потешкотиите кај болестите на простата и во тој случај треба да се консумираат секојдневно, а при лупењето да се внимава да не се отстрани зелената поткожичка на семката, во која има најмногу лековити состојки.
