Печена тиква направете ја како пире, изматете ја со половина банана и додадете ванила и малку мед, па посипете со многу печени, несолени семки од тиква. Вашата главоболка и лошото расположение ќе исчезнат за миг, а не грижете се ниту за вишокот калории.
Во 100 г тиква има само 30 калории. Можеби тоа е и една од причините што тиквата е една од најпродаваните намирници во овој период од годината. Богата е со минерали и витамини, и заради тоа има позитивни ефекти врз организмот. И семките од тиквата се мошне здрави и спаѓаат во групата омилени грицки. Месото од тиквата или пулпата најчесто се користи за консумирање, а може да се јаде печено или варено.
Разликата меѓу дулек и мускатна тиква е во тоа што дулекот содржи бетакаротен или провитамин А, витамини Ц и Б, но повеќе од 60 % незаситени масни киселини и богата е со растителни протеини. Иако се со сличен облик сепак има разлика меѓу овие два вида. Помалку е познато и дека плодот дулек содржи аминокиселина која го поттикнува излачувањето на хормонот задолжен за ведро расположение и чувство на среќа. Затоа е многу подобро место апче за време на главоболка или ако сте лошо расположени да каснете парче печена или варена тиква.
