Витаминот Б12 е исклучително важен за доброто здравје – овој витамин учествува во создавањето на црвените крвни зрнца и е неопходен за нормално функционирање на нервниот систем со оглед на тоа дека учествува во синтезата на миелинот.
Препорачаната дневна доза за возрасни личности изнесува 2,4 мкг. Сепак одделни групи луѓе (постари личности, трудници и мајки кои дојат, личности кои долгорочно земаат антациди, луѓе кои не јадат намирници од животинско потекло) се под ризик од недостаток на овој витамин од Б-комплексот.
За да го намалите ризикот од недостаток, можете да јадете повеќе намирници богати со овој витамин или да земате соодветни суплементи. Додатоците во исхраната со витамин Б12 главно се препорачуваат на личности со пореметувања на апсорпцијата или личности кои не јадат намирници од животинско потекло.
Меѓу најдобрите извори на витамин Б 12 спаѓаат следните намирници:
- Црн дроб, посебно јагнешки (83 мкг/100 г) и јунешки (50 мкг/100г)
- Јајца – две поголеми јајца обезбедуваат 1,2 мкг витамин Б12
- Млеко и млечни производи – шолја млеко содржи 1 мкг витамин Б12
- Риба – скуша (19 мкг/100 г), пастрмка (7,5 мкг/100 г), сардини (9 мкг/100 г), лосос (4,9 мкг/100г)
