Научниците веќе долго се убедени дека циметот помага во превенцијата од нагли скокови на нивото на шеќер во крвта и штити од инсулинска резистенција. Меѓутоа самиот механизам зад позитивните ефекти на циметот не е сосема јасен.
Едно постаро истражување покажало дека кај личностите со дијабетес тип 2, кои секојдневно го консумираат овој зачин (во количество од само 1 г дневно), циметот помага во намалувањето на шеќерот во крвта, како и дека ефектот може да се спореди со лековите кои се користат за таа цел.
Авторката на ова истражување, Емји Стокерт, која веќе со години ги проучува особините на овој зачин, неодамна утврдила дека фенолите, соединенија кои се наоѓаат во циметот, делуваат на Сиртуин 1, протеин кој има важна улога во регулирањето на инсулинот. Сиртуин 1 влијае и на метаболизмот на липидите, промените во растот на ќелиите, како и на експресијата на повеќе гени.
Авторката на истражувањето смета дека поволните здравствени ефекти на циметот можат да се воочат и при внес понизок од 1 г дневно и советува употреба на овој зачин во приготвувањето на храната.
