Чаша вода со оброк на здравјето може да му нанесе повеќе штета од корист, тврдат стручњаците. Премногу течности внесени со храната можат да резултираат со надуеност, тоа да му попречи на варењето и да ја спречи правилната апсорпција на хранливите материи. Тоа значи дека не би требало да пиете вода најмалку 30 до 60 минути пред оброкот.
Доколку сте навистина жедни пијте помали голтки вода. Големите голтки и големото количество вода за време на оброкот можат да ја разблажат желудочната киселина која е мошне важна за правилното варење на храната.
Затоа доколку сакате да го подобрите или забрзате варењето би требало добро да ја џвакате храната и, секако, побавно. Така ќе се создаде поволна средина за разложување и варење на храната, а вашиот организам ќе ги апсорбира сите хранливи материи.
