Кинески научници споредувале 15 објавени истражувања за да увидат каков ефект има секојдневното консумирање на сирење по здравјето на луѓето. Во истражувањето анализирана е здравствената состојба на преку 200.000 луѓе во период од 10 години. Следени се и нивните навики кога е во прашање исхраната, а особено колку често јадат сирење.
Резултатите покажале дека оние кои јаделе по 40 грама сирење дневно, имале за 14% помали шанси од појава на срцеви заболувања, додека ризикот од мозочен удар кај нив е помал за 10%.
Меѓутоа, сирењето содржи многу заситени масти, што, во минатите истражувања покажало дека влијае на зголемениот ризик од кардиоваскуларни болести. Сепак, научниците денес веруваат дека калциумот во сирењето влијае на добриот, а го намалува лошиот холестерол.
Но, во објавената студија, научниците предупредуваат дека само консумирањето на сирење не може да ја поправи состојбата на срцето, доколку поединецот има неквалитетен стил на живеење. Учесниците во истражувањата, се наведува во студијата, меѓудругото вежбале, избегнувале штетни навики или се хранеле здраво.
