Три најздрави видови сирење

Секако ако го одберете вистинскиот вид и го јадете умерено.

Иако некои велат дека сирењето влијае на закрчувањето на артериите, дека е калорично и дебелее, тоа никако не треба да значи дека не треба воопшто да се консумира. Сирењето е, исто така, добар извор на квалитетни протеини, калциум, фосфор, а има и други корисни дејства по здравјето.

Фета сирење

Фета сирењето има помалку масти и калории од повеќето останати сирења. Во 30 г фета сирење што е сосема доволна порција за една салата има четири грама протеини има само 74 калории.

Поради карактеристичниот и силен вкус, ова сирење може да се користи во помали количини. Соленото фета сирење освен во салата може да се додаде и во чорби, а добро се комбинира со компир, лубеница или диња.

СОВЕТ: Иако домашното фета сирење се прави од кравјо млеко, оригинално грчко фета сирење се прави од овчо или од козјо млеко, што е подобра опција за лицата кои имаат проблеми со варењето и патат од нетолренција на лактоза.

Моцарела

Ова е омилено сирење на децата, а го сакаат и возрасните. И за едните и за другите е добар избор. Моцарелата е од делумно пастеризирано млеко,содржи помалку калории, а сепак е богато со протеини (30 г = 71 калорија и 7 г протеини)

СОВЕТ: Бидејќи постојат мали пакувања за еден оброк, моцарелата е одлична за појадок на работното место. Нејзината калориска вредност ја прави и одлична хранлива ужина.

ПАРМЕЗАН

Како и фета сирењето и пармезанот е одличен избор бидејќи е доволно само малку сирење за да се збогати јадењето. Пармезанот содржи релативно малку калории (30 г =110 калории), но е богат со натриум (30 г содржи 449 мг), па затоа треба умерено да се консумира.

СОВЕТ: Пармезанот може да се изренда во салати или да се изеде мало парче со јаболка или со крушка. Секако, тој е важна состојка за тестенините и за пицата.