Екстрактот од зелен чај може да предизвика оштетувања на црниот дроб, предупредуваат од Европската агенција за безбедност на храната ЕФСА. Со сите погодности што ги има зелениот чај – кој често се препорачува кај разните диети и помага во губењето на килограмите, секојдневното внесување преголеми количества може да биде штетно за црниот дроб, па да доведе дури и до негово откажување!
Виновници за тоа се катехините, вид полифеноли кои се есенцијални молекули за физиологијата на билките, важни за функцијата како и растот и пигментацијата. Се претпоставува дека штетна доза е околу 800 г дневно, но се уште нема официјална потврда за безбедната дневна доза катехини.
Предупредувањето од ЕФСА дошло по случајот со еден канадски тинејџер кој земал таблети зелен чај, а сега му треба дијализа на црниот дроб. Во последните неколку години во медицинските магазини се појавиле повеќе случаи во кои луѓето имале проблеми со црниот дроб, а главна причина бил токму зелениот чај. Во заклучот ЕФСА објавила дека катехинот во мали количества е мошне добар за здравјето, но претерувањето би можело да доведе до сериозни последици.
