Додека класичната паста за заби ефикасно чисти и ги штити забите од расипување, за дамки од храна и пијалаци потребна е поголема помош, која се крие во зачинот кој го има во секое домаќинство.
Солта добиена од морето е преполна со калциум, железо, магнезиум, никел, фосфор, силициум и натриум. Токму овие минерали ги прават нашите заби здрави и отпорни на болести, го решаваат проблемот со лош здив, ги избелуваат забите и спречуваат да се формира забен камен.
Исто така, морската сол има силни антибактериски својства и многу ефикасно го решава проблемот на болки во грлото и инфекции на непцата. Ако сакате да ги искористите предностите на оваа евтина намирница за орална хигиена и убавина на забите, ви предлагаме два рецепта: за плакнење на устата и паста за заби која ќе ве чини речиси ништо.
Течност за плакнење на усната шуплина
Во 1 дл млака вода ставете половина лажичка морска сол. Мешајте се додека не се раствори солта. Правете гаргара со течноста во устата околу 30 секунди па плукнете. Ако е потребно, исплакнете ја устата со вода.
Паста за заби
Ставете мала количина паста за заби на влажна четка. Врз четката сипете половина лажичка морска сол. Добро исчеткајте ги забите и непцата, а потоа исплакнете со млака вода.
Совет:
– Течноста за уста може да ја користите секој втор или трет ден, а против болки во грлото секој ден.
– Пастата за заби користете ја максимум два пати неделно.
