Со време почнете да мислите на здравјето на коските

Повеќето од заболените од остеопороза се жени, иако ни мажите не се поштедени од овие болести.

Никогаш не е премногу рано да почнете да се грижите за здравјето на коските т.е. активно да работите на превенција од остеопороза. Оваа болест доведува до намалување на густината на коските и ги прави подложни на фрактури. Повеќето од заболените од остеопороза се жени, иако ни мажите не се поштедени од овие болести.

Од клучна важност е низ исхраната да внесувате доволно калциум и витамин Д. Освен млечни производи, со калциум изобилуваат и сувите смокви, бадемите, зелениот листест зеленчук, брокулите, бамјите, сардините, лососот и тофуто. Храната збогатена со витамин Д, како и морската риба претставуваат добри извори на овој витамин.

 

Храна богата со калциум

Важен е и внесот на магнезиум, калиум и витамин Ц, кои главно се наоѓаат во овошјето и зеленчукот и оревестите плодови. Од исхраната исфрлете ги газираните сокови и ограничете го внесот на алкохол, кофеин и сол. Доколку сте пушач, потрудете се оваа навика да ја коригирате бидејќи пушењето претставува сериозен фактор за ризик од остеопороза.


И на крајот, редовно бавете се со физички активностиодење, вежбање… Јогата и таи чито ја подобруваат состојбата на коските, го подобруваат држењето на телото и го намалуваат ризикот од падови.