Холестеролот е вид на масти (липиди) присутен во крвта. На клетките холестеролот им е потребен за да може нормално да функционираат. Сепак, зголемениот холестерол може да биде многу штетен за здравјето, а се добива од масната храна што се консумира.
Кога во телото има повеќе од потребната количина холестерол, тој почнува да се таложи во аретриите. Оваа состојба е позната како атеросклероза и може да доведе до проблеми со срцето и протокот на крв.
Кои фактори најчесто влијаат на нивото на холестерол?
Неактивност – Недоволната физичка активност може да доведе до зголемување на нивото на лошиот холестерол во крвта.
Старост – Нивото на холестерол обично почнува да расте по 20. година.
Лоша исхрана – Консумирањето заситени масти кои се наоѓаат во животинските производи и транс мастите што се наоѓаат во комерцијалните прехранбени производи може значајно да влијаат на нивото на холестеролот во телото.
Обезност – Прекумерната телесна тежина исто така доведува до зголемување на ризикот од висок холестерол.
Пушење – пушењето цигари ги оштетува ѕидовите на крвните садови, правејќи ги склони на таложење на масни наслаги.
Дијабетес – Високиот шеќер во крвта придонесува за поголемо ниво на опасниот холестерол, наречен липопротеин, и ја оштетува слузницата на артериите.
