Свежите сокови се препорачуваат како еден вид на превенција за многу болести и за одржување на целокупното здравје. Препораката е да се пијат разновидни сокови, а односот меѓу зеленчукот и овошјето биде 80:20.
Ова се некои нутриционистички препораки за најдобри комбинации меѓу зеленчукот и овошјето, во насока на тертман на холестеролот, дијабетесот, остеоартритисот, проблеми со крвниот притисок и псоријазата.
ХОЛЕСТЕРОЛ
Еден од причинителите на појава на зголемено ниво на холестерол во крвта е делување на слободните радикали. Затоа е потребно да се зголеми внесот на антиоксиданти од зеленчукот и овошјето. На соковите кои се предложени, кога сте во можност додадете и две до три чешниња лук.
Комбинација бр. 1 – целер, спанаќ, морков
Измиксајте едно до две стебла целер, една полна рака свеж спанаќ и два моркови со средна големина. Исто така, може да се намали по желба количината на морковот, а да се зголеми количината на спанаќ.
Комбинација бр. 2 – боровница, брусница, малини, јагоди (ако не е сезона, користете замрзнати) лубеница
Во соковник исцедете една рака боровница брусница, малини и јагоди кои се богати со антиоксиданти. Ако сакате да го разблажите овој сок додадете свежо цедена лубеница.
Комбинација бр. 3 – кељ, брокула, лубеница
Секое од споменатото овошје и зеленчук е богато со антиоксиданти. Земете помала главица кеа, пола китка брокула средна големина и една до две резниња лубеница. Исечкајте ги на ситни парчиња и во соковник исцедете сок.
Комбинација бр. 4 – никулци од луцерка, никулци од грав и пченична трева
Никулците на луцерката и на гравот се богати со антиоксиданти, исто како и пченичната трева. Земете една рака никулци од луцерка и од грав и заедно со пченичната трева изцедете ги во соковник. Бидејќи никулците имаат влакнеста структура користете посебен филтер за цедење на овој сок.
