Киселите краставички и останатиот зеленчук од туршијата е нешто што не може баш секој да го јаде заради карактеристичниот вкус, но… За нив и досега знаевме дека се здрави, но она што не го знаевме е дека можат да имаат позитивен ефект врз луѓето кои патат од анксиозност.
Научниците откриле дека ферментираната храна, како што се киселите краставички, киселата зелка или јогуртот може да ја намалат социјалната анксиозност и невротичноста. За тоа се одговорни пробиотиците или здравите бактерии од овие намирници. Се верува дека тие влијаат на микробиомот во цревата, а тоа понатаму има позитивен ефект на мозокот со зголемување на ГАБА нивото. Тоа е трансмитер кој ја регулира анксиозноста и неговото зголемување делува како лек против оваа состојба.
До вакви заклучоци дошло истражувањето кое опфатило 170 студенти и ги следело нивните симптоми на анксиозност, невротичност и друштвени фобии во однос на тоа колку ферментирана храна јаделе.
Колку повеќе ги јаделе овие намирници, толку нивоата на овие пореметувања биле пониски. Факт е дека секој организам се разликува по хемискиот состав и дека поинакви промени се случуваат на микро ниво. Заради тоа е потребно понатамошно истражување на оваа тема за да се дојде до уште поконкретни заклучоци.
