Дали знаете зошто е добро секој ден да се јадат кисели краставички?

Киселите краставички ги сакаме во сендвичи и како салата со различни јадења, а освен што се мошне вкусни, имаат и бројни погодности за здравјето

Речиси и да нема домаќинство во кое не се крие барем една тегла кисели краставички затоа што на многумина им се омилена зимница. Освен што се многу вкусни, киселите краставички се и богат извор на минерали, содржат протеини, прехранбени влакна и витамини како што е витаминот Ц, А, Б6 и Б12, што ги прави мошне здрави. Освен тоа содржат и големо количество вода и мошне мало количество маснотија, па може да се консумираат без страв за таложење на несакани килограми.

Во продолжение носиме неколку одлични причини зошто треба да се јадат секој ден:

Заради својот богат состав киселите краставички имаат бројни погодности за нашето здравје. Така, одлични се за чување на црниот дроб и за филтрирање на токсините од организмот. Исто така, го штитат желудникот, спречуваат создавање на чирови, а одлични се и кај контролата на дијабетесот. Кога е во прашање варењето, оваа кисела намирница го забрзува создавањето на добрите бактерии кои се клучен дел за нашата здрава дигестија, па го штити телото од слободните радикали, нестабилните хемикалии кои ги оштетуваат клетките во нашиот организам. Едно истражување покажало дека киселите краставички можат да ми помогнат и на мозокот, особено кај оние луѓе кои патат од депресија или анксиозност. Причина за тоа лежи во ферментираната храна која го подига нивото на серотонин, хормон заслужен за среќата.

Но не се само краставичките добри за здравјето, туку и водата во која се наоѓаат. Имено, водата од киселите краставички може да помогне при смирувањето на болните грчеви во мускулите, па дури и во превенцијата од грчеви. Она што не е под знак прашалник е дека водата од краставичките е всушност солена вода, а од натриумот во солта доаѓаат сите добри материи за нашето тело. Затоа добро размислете пред да ја истурите!