Сепак еве добри вести за сите оние кои сакаат да ослабат, но не можат да се откажат од брзата храна. Фитнес експертот Грејем Томлисон за „Сан“ открил под кои услови може да се јаде ’нездрава’ храна. Тој тврди дека за време на диета не морате во целост да ја исфрлите брзата храна од менито. Најважно е паметно да одберете, а тајната е во калориите кои ги има во брзата храна.
Затоа е добро да го знаете списокот на калории, па според него бирајте што ќе изедете.
Ако сакате бургери, тогаш најдобро е да ги бирате оние обичните, без сосови и останати додатоци затоа што како такви имаат 295 калории. Двоен бургер или полнет може да достигне и до 600 калории. Порција помфрит со средна големина достигнува 312 калории, па затоа одберете или средна или мала. Ако сте љубител на пица, едно поголемо парче има 266 калории, па затоа едно ќе ви е доволно.
Сладолед ретко кој одбива, а добрата вест дека всушност има најмалку калории од сите десерти. Една регуларна чаша сладолед има 267 калории, изборот нека бидат оние сладоледи без парчиња чоколадо и останати додатоци од шеќер.
Златно правило до кое треба да се придржувате е секогаш да бирате мали порции и да бидете умерени во се, особено кога станува збор за брзата храна, која е, пред се, нездрава и не содржи никаквци хранливи материи корисни зза организмот.
