Габичните инфекции се чести, а до нив доаѓа поради разни фактори. Но и покрај тоа што речиси секоја жена се соочила со габична инфекција на интимната регија, за повеќето од овие инфекции малку се знае.
Габичните инфекции се мошне чести
Три од четири жени барем еднаш во животот се соочуваат со габична инфекција. Дури 53 % од жените не знаат како да се носат со инфекцијата или како да ја спречат нејзината појава. Габичните инфекции се за 10 до 20 % почести кај жените во репродуктивен период. Кај 30 % од трудниците можна е појава на габични инфекции во периодот околу породувањето.
Не се полово пренослива болест
Дури 81 % од пациентите со габична инфекција стравуваат дека болеста ја добиле од сексуалниот партнер. Но габичната инфекција е всушност нерамнотежа на Пх вредноста на вагината. Ова често се случува заради нерамнотежа на хормоните. Причина за појава на габичните инфекции може да бидат хормонските контрацептивни таблети, стресот, ослабениот имунитет, уморот, испотената облека и сл.
Не е хронично воспаление
Дури 67 % од жените веруваат дека габичните инфекции не можат потполно да се излечат. Но тоа се случува само кај луѓето со оштетен имунитет. Најчесто со правилна терапија поминуваат за една недела.
После породувањето се зголемува ризикот од габични инфекции
Многу жени добиваат габична инфекција веднаш после породувањето. Причина е хормонската нерамнотежа во тој период.
Понекогаш нема симптоми
Не чувствува секоја жена вообичаени симптоми на габична инфекција, како што се чешање и вагинален исцедок. Штом немате симптоми габите се присутни, но не предизвикуваат инфекција. Инфекцијата секогаш е проследена со симптоми како што се црвенило и непријатност.
Шеќерот го зголемува ризикот
Габите се хранат со шеќер, затоа ако го консумирате премногу потрудете се да го намалите внесот.
Инфекцијата може да се пренесе на партнерот
Иако не се смета за полово пренослива болест, при незаштитен однос може да дојде до чешање и осип на машкиот полов орган.
Парфимираните козметички производи се ризик
Можеби мислите дека употребата на козметика со парфем е добра за интимната област, но тоа не е точно. Овие произвоид не можат да предизвикаат габична инфекција, но нивните состојки ја намалуваат отпорноста на бактерии, габички и вуруси.
