Ензимот кој го дигестира млечниот шеќер лактоза во цревата, се нарекува бета-галактозидаза, и во тој случај не ја работи својата работа. Млечниот шеќер или лактоза, во најголем процент е присутен во млекото, но го има и во останатите млечни производи. Јогурт, кефир, кремаст јогурт… содржат најмала количина на млечен шеќер, поточно присутен е само во трагови.
КОИ СЕ СИМПТОМИТЕ НА ИНТОЛЕРАНЦИЈА НА ЛАКТОЗА?
Симптомите обично се јавуваат неколку часа по конусмирањето на млечни производи, а тие вклучуваат:
- Болка во стомакот
- Пролив
- Гасови
- Мачнина
- Надуеност
- “Кркорење“ на цревата
- Повраќање
Првите три споменати симптоми најчесто се јавуваат по консумирање на млечни производи, тврди Рабиа де Латур, гастроентеролог и професот на Институтот NYU Langone.
Но, зошто доаѓа до реакција? Според докторката, кога несварената лактоза доспева до цревата, бактериите во нив ќе ја разградат и така ќе создадат вишок течност и гасови кои предизвикуваат проблеми.
ШТО КОГА ЌЕ СЕ ЈАВИ ПРОБЛЕМОТ?
Секако, можете во целост да избегнувате млечни производи, или наместо млеко да користите ферментирани млечни производи како јогурт, кефир, сирење или да користите млеко со намален удел на лактоза.
