Не се сите симптоми на проблеми со срцето јасни и еднакви, а понекогаш воопшто и не се манифестираат во градниот кош. Колку повеќе ризик фактори имате (дебелина, возраст над 60 години, дијабетес, висок притисок или холестерол…), треба повеќе да обрнете внимание на знаците на телото.
Болки и притисок во градите
При блокирани артерии или инфаркт вообичаен знак е болка во градите, стегање, притисок. Кај некои тоа може да биде печење или прободување, кај други чувство како слон да им седи на градите. Таквото чувство обично трае и подолго од неколку минути. Ако болките траат кратко или некоја точка е болна на притисок, веројатно немате проблем со срцето. Но, ако сте ги почувствувале опишаните симптоми, веднаш повикајте итна помош. Имајте на ум дека кај срцевите проблеми, па и кај инфарктот, воопшто не мора да се јават болки во градите, особено тоа е често меѓу жените.
Мачнина и болки во желудникот – жиговина
Покрај дигестивните тегоби, некои луѓе во текот на срцевиот удар може да повратат, а таквата појава е почеста кај жените. Секако, желудочните проблеми не мора да бидат поврзани со срцето, но ако се појават нагло, а имате и некои други симптоми кои упатуваат на срцето, може дада бидат директен показател на срцев удар.
Болки кои се шират во раката
Ваквите болки се класичен симптом на инфаркт. Обично се шират од срцето на левата страна од телото и во левата рака.
Болки во грлото или во вилицата
Сами по себе болките во грлото или вилицата веројатно се последица на некоја состојба со мускулите, но ако се придружени со притисок во средината на градниот кош кој се шири кон вратот и вилицата, може да биде знак за инфаркт. Веднаш побарајте помош.
Потење
Облевање со студена пот без очигледна причина може да биде знак на инфаркт. Ако се случува истовремено со некои други опишани симптоми, повикајте брза помош истиот момент.
Долготрајна кашлица
Кашлицата обично не е знак за срцеви проблеми, но ако имате некоја срцева болест или зголемен ризик , обрнете внимание на овој сигнал на телото. Долготрајна кашлца со бела или розеникава искашлана слуз може да упатува на затајување на срцето.
