Кога ќе не заболи глава, обично прибегнуваме кон истата постапка: пиеме аналгетик, а ако сме дома и имаме малку време, ќе се обидеме да дремеме во затемнета просторија. Наместо пречеста примена на аналгетици, подобро е да се обиде со природен начин на лекување, а овие намирници може да помогнат.
ПЕЧЕН КОМПИР
Омилениот прилог со главното јадење може да помогне во ублажување на главоболката, особено ако е поврзана со консумирање на алкохол претходниот ден.
“Со оглед дека алкохолот е диуретик, тој предизвикува не само дехидрираност, туку и губење на калиум. Храната богата со калиум може да ја олесни главоболката од мамурлук“, вели д-р Ерин Палински, диететичар.
Испечете компир заедно со лушпа, оти така станува исклучителен извор на калиум – еден компир содржи 721 мг, во споредба со популарната банана која содржи 467 мг.
СУСАМ
Ситни семки сусам, се всушност вистинска нутриционистичка мини бомба.
“Сусамот е богат со витамин Е и помага да се урамнотежи нивото на естроген и да се смири мигрената за време на менструланиот циклус. Затоа, секоја салата, пржено јадење, па дури и супа, наросете ги со со малку сусам“, вели д-р Палински.
